اوهميني && بقلم الشاعر/ مضان محمد سليمان
اوهميني
اوهميني بحبك ليا
وامسحي دمعه جوا عنيا
اوعى تقولي كفايه عليا
انك جمبي وملك ايديه
عايز انساها واعيش حريه
اوعى تقولي إنها حوريه
عايز انساها شويه.شويه
وانسى معاكى غدر الدنيا
اوعى تقولي انك مش جيّه
مش بسهوله تقسي عليا
نفسي اشوفك كل شويه
واحلف انك نور لعنيه
وهي الدنيا طبيعه دنيه
مش بايديكي ولا بايديا
إن الماضي ظلمنا شويه
واسألي مره تُرد عنيه
بدمع وحُرقه وفُرقه غبيه
جرحت قلبي ولعبت بيا
هاتلاقي ف عيني وعود منسيه
هتلاقي كمان جواها ماضيا
وقد ايه انا دوقت آسيه
أنا جوايا كتير حنيّه
ملك ايديكي ومش مضنيه
هتغيرلك شكل الدنيا
واوعى تقولي بتلعب بيا
وانك رافضه تكوني ضحيه
لأ مش طبعي ياضيّ عنيا
انتي ف قلبي أعزّ ما ليا
انتي ف قلبي وطن وقضيه
انتي ناجيّه.انتي زكيه..
انتي خديجه ..انتي ماريا
انتي الدنيا انتي عنيا***
اوهميني بحبك ليا
اوعديني تفكري فيا
امسحي دمعي غطى عنيا ***
....اوهميني..
..
قلم/ رمضان محمد سليمان
ليست هناك تعليقات:
إرسال تعليق