إبن الأقصي && بقلم الشاعر/ طه إبراهيم
إبن الأقصي
____
إرمي إرمي من سجيل
إضرب زلزل اسرائيل
إصنع نصرك ياله بإيدك
إوعي تجامل أي عميل
حجرك شرفك هو رصيدك
جمّع طوب الارض وشيل
إرمي إرمي من سجيل
إحشد إحشد طير أبابيل
خلي عدوك يعرف إنك
صامد صامد رغم الويل
وإن تراب الأرض ف دمك
ممكن .. تركع .. مستحيل
دافع عن أقصانا بروحك
علّم كل شباب الجيل
إن الاقصي هو العزة
واللي يفرط قلبه عليل
وإن الأقصي هيفضل عالي
نوره يشق ظلام الليل
يا ابن الأقصي إنهض قوم
وري جنود الشر الويل
علم كل شعوب الارض
إن طريق الصبر جميل
وإن الغاصب لازم يرحيل
مهما يراوغ ف التأجيل
وإن الأرض الطاهره هترجع
إقرا وراجع ف الانجيل
وإن الحق هيجي ويسطع
أمر موثق ف التنزيل
وإن غصون القدس هتترح
تملي الارض زتون ونخيل
يا ابن الاقصي بكره هتفرح
إرفع .. صوتك .. بالتهليل
إرمي إرمي من سجيل
إضرب زلزل إسرائيل
____
بقلم / طه إبراهيم
ليست هناك تعليقات:
إرسال تعليق