نقدر نقوم && بقلم الشاعر/ اسر فاروق
نقدر نقوم
لو كلنا نقدر نقوم مع بعضنا
وتكون ثقتنا ف نفسنا وف ربنا
شباب كبار أطفال نسا
ما حد يبقي زينا
إيه معطلنا يا خلق
ثرواتنا من شمال لشرق
وعندنا أحلام كبيرة
قوتنا رعد ويا برق
قادرين نحقق مستحيل
بشغلنا ف نهار وليل
عشان بلدنا تبقي أحسن
متفرقوش بين جيل وجيل
هاتوا التاريخ شوفوا البطولة
المصري مشهور بالرجولة
يتحدي أي صعب.. قادر
يبنى يعمر وبسهولة
شوفوا مين واقف قصادكوا
مش عايز يوم تكبر بلدكوا
حاربوه وقاوموا كل شر
وأقضوا علي الفساد بإيدكوا
هاتوا إيدكوا يلا يلا أتجمعوا
العامل يبقي كفء ف مصنعه
والكل يزرع والزرع إحنا نصنعه
إياكوا يوم للماضي تاني ترجعوا
ليست هناك تعليقات:
إرسال تعليق