كتابي && بقلم الشاعره / أمل يونس
كتابي
------
شالوا دماغي حطوا كتابي
قولت وماله راح ابقي سعيد
يوم المني لما ابقي ف عيد
ويا حروفي عمر مديد
وقت الشدة هما صاحبي
بيخلوني مش متضايق
قاعد ناسي الدنيا ورايق
وكأني ف طيارة وسايق
اصلي بدوب انا ويا احبابي
لما الحرف اجري وراه
اشوفه غزال ما ابهاه
اول كلمة ف كتاب الله
إقرأ إقرأ بسم الله
ابص يميني ابص شمالي
احس خلاص الدنيا اتزحمت
والافكار ف دماغي اتلحمت
والمعلومة جات واقتحمت
عقلي زي سفينة اتشحنت
اجري اسافر وانا ف مكاني
الف وادور ف الفلكيات
ويا اجدادي اغزل حضارات
جوه تاريخي اشوف ثورات
اجمل متعة مع قرآني
اعظم كتاب علي وجة الارض
اعرف منه صلاة الفرض
م الحسنات انا واخد قرض
---------------------------
من وحي الصورة
بقلمي/امل يونس
ليست هناك تعليقات:
إرسال تعليق