وحشتيني && بقلم الشاعر / رمضان محمد سليمان
وحشتيني
وانتي معايا باشتاقلك يا نور عيني
وحشتيني
وخايف ؟
وانتي معايا ومقابلك لتنسيني
واجيلك يوم تصديني
وف عز النوم تصحيني
وتخديني
ف ليل قاسي ملوش آخر وترميني
وبخاف منك على عيني
ليبكي عمرى وسنيني
وحشتيني
أنا جايلك وكان أملي تحبيني
وبين درعاتك تضميني وتحميني
من الوحده ونار قايده بتكويني
بس خساره ظلمتيني
ف صدق مشاعري اتهمتيني
وقلتى مخادع
ديما يا بايع
قلتى خلاص عرفتيني
ظلمتيني !
لو بصيتي ساعتها ف عيني
كنتي سمعتي حبيبتي انيني
كنتي رجعتي ودوقتي حنيني
بس خساره
يا ألف خساره سبتيني
ف ليل السهد باتقلّب
وطول البعد بيعذب
وأقول طيفك مكفيني
واقّول يا حبيبتي أنا مسامحك
نسيت جرحك .......وحشتيني
ومهما بعدتي عن عيني
ومهما حاولتي تبكّيني
وحشتيني
وانتي معايا باشتاقلك
وانتي معايا ومقابلك
بلاقي القلب بندهلك
وبيقولك
كفايه بعاد وحشتيني
قلم ...رمضان محمد سليمان
ليست هناك تعليقات:
إرسال تعليق