وصيتى && بقلم الشاعره / الملاك الحائر
من الملاك
-------------------------- وصيتى -----------------------------------
يا إبنى قول شعرك بلا إعلان
وإنشد وقول بلا إستئذان
وإن كنت جيت فى عصر
إنحطاط إمشى إوعى
تخاف لوحدك على الصراط
وإطلع وإعلا فوق الآوان
الشعر أكرم م المكان والزمان
يا إبنى إوعى تطلب فى
يوم رضا م السلطان
إياك تمدحه لماله
إياك تصاحب رجاله
خلى بالك هيعملوك
شاعر بلاط
ويشبلوك ال إيه ربابه
وراح يخدعوا ببك الغلابه
يا إبنى إكفى ذاتك بذاتك
وإبعد دنيىء النفس عن بابك
يا إبنى إوعى تكتب سوى اللى تشوفه
وبحذرك إياك تستسهل الساهل
يا إبنى إسمع كلامى من الآخر
خد المعاناة طريقك
توصل لصدق الخارج والداخل
يا إبنى خلى بالك
إياك وباب الغوازى
إياك والراقصات
راح تصاحب الطبال
وراح يصبح الفواد
هوة أنيس مجلسك
ويصبح مقام الشعر
فى الآوحال
وإن بدأ قولك خلاف الساير
إياك نخاف إرويه بقوة وإحساس
إياك تهمل تراث أجدادك
ولا إضافات البشر ضيف بلا حدود
أنا عارفه إن دى نصايح
بيرفضها الشباب
ولا كأنه سامع
لكن كتبت وصيتى
يمكن للهوا
أو للتاريخ
مين عارف
==========================
الملاك مازال حائر
ليست هناك تعليقات:
إرسال تعليق