مايتعاشروش && بقلم الشاعر / رضا ابوحسين
مايتعاشروش
مايتعاشروش
ولا تاكل
ف يوم من ايدهم اللقمه
دا ياما وشوش
بتضحكلك
وقدامك ولا النسمه
ورا ضهرك
يسنوا عليك سكاكينهم
دا طلعوا وحوش
وناس واطيه
ولاد هرمه
مايستاهلوش
دموع العين
خساره فيهم
مايتأمنوش
عشان روحهم
يبيعوا اعز ماليهم
باعونا بلاش
واحنا كنا شارينهم
بروح روحنا
ولا فهموش
بان حياتنا كت مملوكه
ف ايديهم
هاعيش ازاى
وانا معاهم
ف وسط افاعي مسمومه
وصوتهم ناي
جلود ناعمه
وضحكه صفرا مفهومه
اموت احسن
واسيبهالهم
دي غابه وهم سكانها
هاقول باي باي
لناس واطيه
ودنيا عليله محمومه
ماتندمشي
ولا تبكي
ياقلبي ع اللي باعك يوم
وماتخافشي
عتاب الندل تتجاهله
ومن غير لوم
تعبنا ياقلبي واياهم
وايامنا بقت مره
ماتزعلشي
ولا تندم
معادشي حد يستاهل
عتاب او لوم
رضا ابوحسين
ليست هناك تعليقات:
إرسال تعليق