فرقنا القدر && بقلم الشاعر/ أحمد منسى
فرقنا القدر
فى ليله من ليالى القمر
غاب وماطلعش القمر
والنجوم طفيها الغيوم
والسما كانت بتنزف مطر
والريح من قوته كسر
عيدان الشجر
والصمت خيم عالبيوت وكإن
الدنيا فاضيه مافيهاش بشر
قلبى انقبض وحسيت بالخطر
جريت عالبيت زى العبيط
دخلت اوضتى وفضلت ابكى
وأقول لنفسى هو انا بحلم
ولا انا اتجنيت
واتارينى لا بحلم ولا اتجنيت
انا اللى نسيت ان فرقنا القدر
احمد منسى
ليست هناك تعليقات:
إرسال تعليق