صديد الغل بقلم الشاعر محمد العربى
(صديد الغل )
========
قالوا التليفاز شيطان صنع كافر
كسر دغدغ ولع ياعبد القادر
أنما موبايل نت وخلافه حلال
ملعونة الجلة بوظت عقل الفاجر
--------------------------------------
صعب تقنع حمار أنه حمار بينهق
سنين لو تحكي تمل وهو ولا بيزهق
تقوله الرفس طبعك وهز الديل
يبتسم دا رأي حمار ولا بيفرق
--------------------------------------
الجمل لويشوف أتبه يميل عليه يقطموه
له عقل كما البشر أه بس الجحش مضلموه
بالاسم أنسان أنما الحيوان
يخجل يقول لينا بينتموه
---------------------------------------
صديد الغل من نهود أبالسة راضع
لشيطانة ديما الولاء ساجد وراكع
لو يخالفة أبن أمه وأبوه
يشرب دمه ولا يمانع
-----------------------------------------
نحكي والكلام ياخلق علي مين
علي شيئ كده شبه البني أدمين
أنما لابشر هما ولا حيوانات
ألة مصنوعة في مصانع الملاعين
-------------------------------------------
من سنين وسنين دايرة الحرب
كرباج بيمزع فينا والأيد هناك غرب
كام دم سال وكام زرع أتحرق
وراية جهاد مرفوعة تجارة باسم الرب
-------------------------------------------
في وقت قالوا نصرة للنبي موسي
وقت بأسم الصليب قالوا حب لعيسي
وأدي أنهاردة لسنة نبي بريئ منهم
لاجامع يرضي بكدا ولا معبد ولا كنيسة
-----------------------------------------
الشاعر محمد العربى
ليست هناك تعليقات:
إرسال تعليق