عناقيد فرح && بقلم الشاعر / محمد عسل
(عناقيد فرح)زرعت صورتِك جوه نن العين سنين.. واهو كل يوم بحصُد أنا عناقيد فرح.. يتفَرفَط العنقود ف يملي الروح حنين.. يتلم تاني جوه قلبي ف ينشَرَح...يجري غرامِك جوه نبضي بخَط سير.. واهي لسه نبضَه خابطه نبضَه م الفرح..مصنوع كسوفك من غرامي عشان بَغير...علشان بقول تِخفي الضفاير ف الطُرح..وعشان انا عاشق أكون فيكي أسير.. بهرب إليكي قبل م اتعَب وأنجَرَح..ف تلملميني وسط شَعرك م الفراق.. احسن يجيني ياخدني منك أندَبَح ..فارش عَريني ف جَهزِي يلا الزواق...علشان زئيري يخاف عليكي ويتمَنَح..داخل أنا للإشتياق حرب وسباق...وخسرت أو كسبان هاقول المُقترح..نعشق ونمضي العقد فيه ألف إتفاق..نزرع ونحُصد ف الحياه عناقيد فرح..بقلم...محمد عسل
ليست هناك تعليقات:
إرسال تعليق