أنا بيك علمت العيون تفرح && بقلم الشاعر/ هانى ادم
أنا بيك علمت العيون تفرح
و تغنى غنوة عشق معتاده
نفس الكلام و اللحن و المسرح
لكن الحنين كان فيها بزياده
كان يومها جاى الحلم متسربع
بيضم في و فيك بهواده
خايف على القلبين من الفرحه
أصل الحزين مش حمل دى سعاده
و ف لحظه كل جراحنا هاجرونا
و الليل ما عادش بيبكى فى وساده
الحب قادر فى لحظه يحيينا
و يعيشنا سوا بعد الهوى ما عادا
يا كل قلب يئس من الفرحه
على قد حبك مهما تتعادى
هتشم ورده ترد يوم روحك
و تداوى جرحك عشق يتمادى
هانى آدم
ليست هناك تعليقات:
إرسال تعليق